Монография ба ҳаёт ва фаъолияти эҷодии Калими Кошонӣ, яке аз бузургтарин шоирони адабиёти форсизабони охирҳои асри XVI ва нимаи авали асри XVII Ҳиндустон, ки аз поягузорону тараққидиҳандагони сабки машҳур ба ҳиндӣ эътироф гардида, бахшида шудааст. Калими Кошонӣ дар тазкираҳо ва кутуби таърих ба сифати «халлоқулмаонии сонӣ» мавсуф гаштааст. Ӯ дар дарбори чаҳорумин шоҳи Бобуриёни Ҳинд-шоҳиҷаҳон мансаби волои маликушшуароиро сарфароз гашта буд ва ҷуз аз эҷодиёти пурмоя дар анвои гуногуни шеър дар тарбият ва парастории аҳли илму адаби доираҳои адабии Ҳиндустон низ саҳми бузургро гузорид, ва, ҳамчунин, дар рушду инкишофи минбаъдаи шоирии форсӣ ба равиши тозаву навин нақши шунуфтанию бесобиқаеро бар ҷой гузошта буд. Шиносоӣ бо шахсияти арҷманд ва дунёи андешаи ин шоири баландмақоми форсизабони Ҳиндустон, ки новобаста ба мансаби волои маликушшуарои яке аз муқтадиртарин давлатдориҳои аҳдаш аз фақиртарин шоирон маҳсуб мешуд ва қаноату бениёзиро якҷо бо тафаккуру тахайюли баланд зевари тану равони худ гардонда буд, барои ҳар дӯстдору мухлиси адабиёти классикии форсу тоҷик, ба вижа, барои пажӯҳандагону донишҷӯёни риштаи филологӣ аз фоида холӣ нахоҳад буд.
Калидвожаҳо: Китоби Калими Кошони ва ашъори гиноии у, Калими Кошони ва ашьори гиноии у, Калими Кошони ва ашори гиноии у, Озод Саидчаъфаров, Озод Саидчаьфаров, Озод Саидчафаров, бо забони точики PDF ройгон боргири кардан (скачать бесплатно)