БА ҶОИ ПЕШГУФТОР
Нилуфар хеле барвақт ба сурудани шеър ва иншои қиссаву ҳикоятҳо сар карда буд. Аммо чун ба корҳои давлативу ҷамъиятӣ пардохт, ба эҷодиёти худ чандон таваҷҷӯҳ зоҳир накард. Бо вуҷуди ин чанд китобу очеркҳояш ба табъ расиданд, ҷо-ҷо шеърҳояш чоп мешуданд, таронаҳояш дар маҳфилҳо садо медоданд.
Ман дастхати ин маҷмӯаро хондаму хурсанд шудам, ки Нилуфар боз ба он тӯҳфаи илоҳӣ — илҳоми саршораш рӯ оварда, навиштаҳои парешонашро ҷамъоварӣ кардааст. Шеърҳояш давоми таронаҳо ва таронаҳояш идомаи шеъри ӯянд. Суханаш пурсӯз ва самимист. Ба дили хонанда зуд роҳ ёфта, маҳрами рози ӯ мегардад. Ин махсусият яке аз шартҳои бисёр муҳими кори эҷодист.
Умед дорем, ки «Захми сӯзон» ба табъи хонадагони сахтгир хуш меояд ва дар осмони хаёлашон то дер шаъшаапошӣ мекунад.
Гулназар
Шоири халқии Тоҷикистон
Калидвожаҳо: Китоби Захми сузон, Нилуфар, бо забони точики PDF ройгон боргири кардан (скачать бесплатно)