Тағоймурод Ёрзода соли 1951 дар деҳаи яғнобнишини Куктеппаи ноҳияи Варзоб (собиқ Ленин) ба дунё омадааст. Соли 1971 мактаби миёнаро бо баҳои хубу аъло хатм намуда, худи ҳамин сол дар зодгоҳаш омӯзгор шуда, фаъолият намудааст. Ёрзода дар давоми фаъолияти омӯзгориаш аз соли 1980 ба олимони варзидаи фолклоршинос дар зодгоҳаш шиносоӣ пайдо карда, барои гирд овардани маводи фолклори Яғноб шурӯъ кардааст. Ва соли 1984, пас аз маълумоти техникӣ ба Институти Омӯзгории ш. Душанбе ба номи Қандил Ҷӯраев дохил шуда, онро соли 1991 бо муваффақият ба анҷом расонид.

Ӯ бо талабу дархости олимони Институти забон ва адабиёти ба номи Рӯдакии АИ Ҷумҳурии Тоҷикистон ба кор омада, чандин мақолаҳои илмӣ ба забони яғнобӣ нашр кардааст.