Ҳумо сӯи Ҳумоюн бол бикшод. Гулчеҳра Муҳаммадиева

Ҳар гоҳ сухан дар бораи Модар меравад, лаҳни гӯянда ангубинӣ гардида, аз меҳру муҳаббат, сидқу сафо, нафосат, назокат, садоқат, покдомании ин олиҳаи Биҳиштӣ ҳарфу ҳиҷо ба миён меорад, ки ин арзандаву табиист. Муаллифи ин китоб Гулчеҳра Муҳаммадиева, ки худ модар аст, ҷаҳд кардааст, ки дар баробари ҳама он хислатҳои волои азалӣ, инчунин азму субот, иродаи қавӣ, заковат, ҷасорат, дарёдилӣ, ҷоннисорӣ ва, бешубҳа, қаҳрамонии Модарро низ ба қалам бидиҳад, зеро барҳақ гуфтаанд:

Сар зи модар макаш, ки тоҷи шараф,
Гарде аз роҳи модарон бошад.