Чилдухтарон

Дар ин тазкира намунаи осори манзум ва мансури чил тан бонуи суханвари муосир, ки дар кишварҳои дӯст ва ҳамсояи Тоҷикистону Ӯзбекистон кору эҷод ва зиндагӣ мекунанд, фароҳам омадааст. Хонандагони нуктасанҷ ва борикбин зимни мутолиаи ин китоб итминон ҳосил мекунанд, ки бонувон на танҳо ба зебоии муҳити зисти мо мусоидат менамоянд, балки бо каломи бадеъ низ неъматҳои маънавии зебо меофаранд.