Ҷуғрофиёи таърихии давлати Сомониён. Некрӯз Сафарзода

Замони давлатдории Сомониён дар миёни муҳаққиқони илми таърих «асри заррин»-и таърихи Шарқ ном гирифтааст. Масоили мухталифи марбут ба ин давра аз ҷониби донишмандон таҳқиқу баррасӣ шуда, дар ин замина осори пурарзише ҳам нашр шудааст. Аммо масъалаҳои марбут ба ҷуғрофиёи таърихии давлати Сомониён, аз ҷумла масоили марзӣ-маъмурӣ, ҳудуди вилоятҳо, тавсифи шаҳрҳо ва ниҳоят густариш ва коҳиши қаламрави давлати Сомониён бори нахуст дар ин китоб ба таври комил ва муназзам таҳқиқ шуда, муаллиф китобе дар шакли монография таҳия ва пешниҳоди алоқамандон кардааст.