Намунаҳои фолклори Дарвоз

Вазифаи дар пешгузоштаи ин маҷмуа аз он иборат аст, ки оммаи васеи хонандагони тоҷикро бо намунаҳои эҷодиёти даҳонии Дарвоз шинос намояд. Материалҳои ба маҷмӯа дохил кардашуда асосан дар солҳои 1949, 1951 ва 1953 дар районҳои Қалъаи Хумб ва Тавилдара (қишлоқи Сафедорон)-и вилояти Ғарм ва райони Ванҷи Вилояти Автономии Бадахшони Куҳии Республикаи Советии Социалистии Тоҷикистон ҷамъ карда шудаанд. Ғайр аз он, ба маҷмӯа материалҳое дохил карда шудаанд, ки дар солҳои 1932-1933 дар маҳалли Вахиёи Боло (қишлоқи Сангвор) навишта гирифта будем. Инчунин шаш афсонаю ду суруди аз тарафи Н. А. Кисляков дар солҳои 1930, 1931, 1933 навиштагирифтаро бо розигии ӯ ба маҷмӯа дохил намудем.