Оила ё худ вазоифи хонадорӣ. Абдурауфи Фитрат

Рисолаи «Оила ё худ вазоифи хонадорӣ» охирин осори тоҷикии давраи аввали эҷодиёти Фитрат аст, ки бо забони шево ва зебои форсии тоҷикӣ иншо шуда, баҳсҳои доманадораш гувоҳи огоҳии комили адиби навҷӯ аз улуми динӣ ва дунявии замонаш мебошад. Бо далелу бурҳонҳои соддаву мушаххаси ҳаётӣ ва такя бо ояҳои Қуръони маҷиду ҳадисҳои паямбари ислом (с) нодурустии бисёр даъвову ботилии андешаҳоро доир ба дузанагӣ ва бисёрзанагӣ, эҷоди монеа дар илмомӯзии занону духтарон, мавқеи зан дар хонадорӣ ва тарбияи фарзанд собит месозад, ки дар замони мо низ аҳамияти вижа дорад.