Ҳаҷ: таърих, моҳият, маносик ва аҳкоми он. Абдушариф Боқизода

Китоб аз ҷониби Кумитаи оид ба корҳои дини назди Ҳукумати Ҷумҳурии Тоҷикистон (мактуби № 803 /3-01 аз 26.06.2012, Ташхиси давлатии диншиносии № 33) ба чоп тавсия шудааст.

Китоб, бо баёни ҷанбаҳои гуногуни фаризаи ҳаҷ, нақши онро дар сохтани шахсияти имонии инсон ба таври равшане бозгӯ менамояд. Фаризаи ҳаҷ шахсияти инсонро дар мактаби арзишҳои худ амалан парвариш дода, ӯро бо анҷоми шаоири хоссе дар ҷодаи худсозӣ қарор медиҳад. Мафҳумҳои воло ва нуҳуфтаҳои маънавии ин чорабинии азими илоҳӣ замири инсони озодаро зери шӯъои асрори худ қарор медиҳад.

Бо дарназардошти ниёзи мубрами ҷомеа ба шинохти дурусти арзишҳои инсонӣ ва мафоҳими олии ин фаризаи илоҳӣ ин китоб пас аз бозбинии дубора ва ворид намудани иловаҳое бори дигар омодаи чоп гардид. Инак, нашри дуввуми он тақдими хонандагон ва ҳаҷгузорони арҷманд мегардад.